Uncategorizedحكاوى الفنحكاوى مصر

رامي جمال يعلن عن إصابته بمرض خطير ويفكر في الاعتزال

نسرين الرشيدي

أعلن المطرب والملحن رامي جمال عن إصابته بمرض جلدي خطير وهو “البهاق”، مؤكدا أنه اكتشف الأمر منذ فترة وحاول علاجه بشتى الطرق، ولكن لم يفلح، وأصبح الأمر يزداد سوءا، وهو ما جعله يفكر في اعتزال الفن بشكل نهائي.

وكشف رامى جمال عن هذا الأمر عبر حسابه على “إنستجرام” قائلا : “الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة”.

وتابع: “رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى”.

وأضاف: “أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة”.

وأستكمل رامى حديثه: “لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو”.

 

View this post on Instagram

 

A post shared by Ramy Gamal (@ramygamalmusic) on

اظهر المزيد
زر الذهاب إلى الأعلى