“ربنا أدبني بحادث موت” .. روجينا تكشف أبرز خلافاتها مع زوجها
عبرت الفنانة روجينا عن فخرها الشديد وسعادتها بزوجها الفنان أشرف زكي ودوره ومواقفه الملحوظة كنقيب الممثلين وأخرهم دوره إنهاء إجراءات دفن الراحل هيثم زكي والتي أثرت في الجميع.
وكشفت عن بعض الخلافات التي جمعتها بزوجها في بداية زواجهما بسبب إنشغاله بهامه النقابية عبر صفحتها على موقع الصور والفيديوهات “إنستجرام”، قائلة : “من وأنا كنت صغيرة ومش فاهمة وبحبة وأنانية وعايزاة جنبى باستمرار وكانت كل مشكلنا أول الجواز أنت بتفضل النقابة عليا يعنى ممكن يلغى معاد مهم ليا عشان رايح مستشفى أو بيحل مشكلة فى تصويرأو فية واجب عزا لغاية ماربنا حب يعلمنى أو يادبنى أو يربينى ما هو تربيتة أعظم تربية فيحصلى حادثة موت واقعدت فى المستشفى أربعين يوم”.
وتابعت : “ما هونش عليا غير أهلى والناس وزميلى ووقفهم جنبى مكنش فية حاجة اسمها وقت زيارة الناس على طول موجودة واللة على جبر الخاطر والناس بتطبط عليك وأنت فى أشد الاحتياج لدا الناس دى ماكنش بتجيلى أنا كانت بتيجى لأشرف لأنها كانت بترد اللى بيعملة معاهم لأن هو كل سعادتة فى الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمرة ما فرق بين كبير وصغير”.
واختتمت : “من ساعة الدرس دا اتعلمت انوا فية حد فى الدنيا يبقى هو الأمان السند هو دا اللى هكلمة أول ما يحصلى حاجة دا نقيبى أشرف ذكى واتعلمت كمان إن بيعملوا أشرف جوزى هيترد ليا أنا وبناتة وهيبقى فى ميزان حسناتك هعيش انا وبناتك فخورين بيك ياحبيبى ربنا يحفظك لنا ويديك الصحة وطولة العمر”.